Helse Bergen Hf Haukeland Universitetssjukehus

Haukelandsveien 22
5021 BERGEN

Helse Bergen, Haukeland universitetssjukehus, har over 12.000 tilsette som har som mål å gi best mogleg behandling og pleie til pasientane våre, og rett opplæring til våre pasientar og pårørande. Kvart år behandlar vi over 800.000 pasientar og bidreg i utdanninga av eit par tusen helsearbeidarar. Forsking er ei viktig oppgåve, og vi er blant dei fremste i landet innanfor dette feltet. Les meir på www.helse-bergen.no eller facebook.

Lege i spesialisering, LIS 3 i psykiatri

Org. nr: - Stillingsident: 4126454893 Presentasjon av stillingen:

Helse Bergen, Haukeland universitetssjukehus, har ledig 3 vikariat på 12 månader for lege i spesialisering i psykiatri.

Spesialistutdanninga gjennomførast i Divisjon psykisk helsevern ved dei ulike vaksenpsykiatriske klinikkane. Divisjonen har 6 klinikkar og eit budsjett på om lag 1,2
milliardar kroner. Klinikkane har differensierte oppgåver knytt til akuttbehandling, korttidsbehandling, rehabilitering, dag- og døgntilbod samt poliklinikkar innan
vaksenpsykiatri og barne- og ungdomspsykiatri. Tenestene er dels organiserte i distriktspsykiatriske senter og dels i sjukehus. Divisjonen har til saman 27 stillingar for lege i spesialisering i vaksenpsykiatri.

Etter dei nye reglane for spesialisering i psykiatri kan vi tilby følgjande fordjupingsområde:

Affektive lidingar
Alderspsykiatri
C/L-psykiatri
Kortidsintervensjon (ved distriktspsykiatrisk senter)
Sikkerheitspsykiatri
Spiseforstyrringar
Tidleg psykose - tidleg schizofreni-spektrum lidingar (inkludert kombinasjon tidleg psykose ¿ alvorleg rusliding)

Vitnemål og attestar på godkjend relevant teneste skal leggjast ved søknaden. Det er vidare krav om politiattest ved tilsetjing, jf Psykisk helsevernloven kap. 4A-7.

Arbeidsoppgåver

Utgreiing, diagnostisering og behandling av pasientar på spesialistnivå - sjukehus/DPS.
24 av 27 LIS stillingar er for tida ein del av forvaktsordninga knytta til Psykiatrisk akuttmottak (PAM).
Vi legg til rette for at LIS legane får ta del i undervising, kurs og rettleiing slik spesialiseringsreglane i psykiatri krev.
Kandidatar i sideutdanning vil få moglegheit til å følgje kurs som er naudsynte for eigen spesialitet.

Kvalifikasjonar

Den som blir tilsett som LIS må ha norsk autorisasjon og godkjend turnusteneste/LIS 1 eller teneste som etter gjeldande norsk regelverk kan leggjast til grunn for tilsetjing i LIS-3 stilling i psykiatri.
Vi ønskjer oss legar med særleg interesse for psykiatri.
Du har god fagleg vurderingsevne.
Det er ein fordel med erfaring frå arbeid innan psykiatrien og/eller forsking.
Den som søkjer må meistre norsk godt, både skriftleg og munnleg.

Personlege eigenskapar

Vi vil leggje vekt på kandidaten sin motivasjon og at vedkomande er personleg eigna til å arbeide innanfor psykisk helsevern.
Du har evne til å møte menneske i krise profesjonelt og empatisk, også dei med utfordrande framferd.
Dei som blir tilsette har eit tydeleg engasjement for fagfeltet og evner å vere med og utvikle behandlingstilbodet vidare.
Som person toler du å stå i krevande situasjonar over tid.
Du er god på å jobbe i tverrfaglege team og har vist vilje og evne til samarbeid i tidlegare arbeidsforhold.
Du har evne til å arbeide strukturert og målretta og har høg arbeidskapasitet.
Du har oversikt, og evner å prioritere riktig når det er travelt og mange oppgåver samtidig.

Vi tilbyr

Ei tilrettelagt spesialistutdanning, der utdanning blir prioritert.
Rotasjonsordning som sikrar at den einskilde kandidat får allsidig erfaring frå alle relevante tenesteområde innan spesialiteten psykiatri.
Moglegheit for å forske som ein del av spesialistutdanninga.

Kontaktinformasjon

Kristin Bovim, Overlege, 55958779, kristin.jordheim.bovim@helse-bergen.no

Arbeidsstad

Haukelandsveien 22
5021 Bergen

Søk på stillinga:Klikk her

Nøkkelinformasjon:

Arbeidsgivar:Helse Bergen

Referansenr.:4126454893
Stillingsprosent: 100%
Startdato: 30.09.2019
Søknadsfrist: 23.09.2019PAM

Stillingsnummer: 1209-2019-09-79 (Oppgis ved kontakt med NAV) Kilde: Overført fra PAM annonsemottak

Søk